БАЯНХОНГОР АЙМГИЙН НЭГДСЭН ЭМНЭЛГИЙН СУВИЛАХУЙН АЛБА

2006 оны 01 дүгээр сарын 03-ны өдрийн Эмнэлгийн даргын 02 тоот тушаалаар  анх удаа орон нутагт сувилгаа эрхэлсэн орлогч даргын албан тушаалыг бий болгон анхны сувилгааны албыг байгуулж,  үйл ажиллагаагаа эхэлсэн.

Сувилахуйн алба эмнэлгийн сувилагч, тусгай мэргэжилтний холбогдох үйл ажиллагааг удирдан зохион байгуулах, сувилахуйн тусламж үйлчилгээний талаар хэрэгжүүлж буй бодлого, хууль , тогтоомжийг хэрэгжүүлэх, сувилахуйн гардан үйлдлийн стандарт, удирдамжийн хэрэгжилтийг мэргэжил арга зүйгээр хангах, чиглүүлэх ажлыг байгууллагын үндсэн зорилго, зорилт төлөвлөгөөтэй уялдуулан зохион байгуулах үйл ажиллагааг хариуцан ажиллаж байна.

АЛСЫН ХАРАА:

Эрүүл мэндийн тусламж үйлчилгээний жишигт нийцсэн үйл ажиллагаатай, сувилахуйн тусламж үйлчилгээний чанар хүртээмжийг сайжруулах сувилагч тусгай мэргэжилтний мэргэжлийн ур чадварыг хөгжүүлэн ажил мэргэжлээрээ салбартаа тэргүүлэх сувилахуйн алба болох.

ЭРХЭМ ЗОРИЛГО:

Хүний нөөцийн ур чадвар, ёс зүй, манлайлал бүхий хамт олонд тулгуурлан, үйлчилгээний таатай орчинд сувилахуйн тусламж  үйлчилгээг чанартай, ээлтэй, цогц үзүүлэх замаар хонгор нутгийн хөгжил, амьдралын чанарыг сайжруулахад оршино.

ЗОРИЛТ

Нийгмийн эрэлт хэрэгцээнд тулгуурлан сувилахуйн тусламж үйлчилгээг аюулгүй эрсдэлгүй орчинд чанарын өндөр түвшинд үзүүлж орчин үеийн ололтуудыг нотолгоонд суурилсан судалгаатай хослуулж сувилахуйн тусламж үйлчилгээг хөгжүүлэх.

Бүтэц

Баянхонгор аймгийн Нэгдсэн эмнэлгийн сувилахуйн алба нь албаны дарга-1, арга зүйч-1, ахлах сувилагч-13, нийт 195 сувилагч, тусгай мэргэжилтэнтэй үйл ажиллагаа явуулдаг.

Д.ГАНЦЭЦЭГ СУВИЛАХУЙН АЛБАНЫ ДАРГА

Мэргэжил :

• 2010 онд ЭМШУИС-ийн харьяа Сувилахуйн сургуулийг эмчилгээ сувилгааны арга зүйч мэргэжлээр сувилахуйн бакалавр зэрэгтэй  төгссөн.
• 2015 онд ЭХЭМҮТ-д Хүүхдийн сувилагчийн 3 сарын олгох курс
• 2017 онд БНХАУ-ын Бээжин хотод сувилахуйн чиглэлээр мэргэжлийн сургалт
• 2019 онд ЭХЭМҮТ-д Хүүхдийн сувилагчийн мэргэжил дээшлүүлэх 1 сарын курс
• 2020 онд мэргэжлийн Ахлах зэрэг хамгаасан.

Ажлын туршлага:

• 2011-2012 онд хүүхдийн тасагт ээлжийн сувилагч
• 2013-2017 онд Хүүхдийн тасгийн ахлах сувилагч
• 2017-2019 онд Эх хүүхдийн сувилахуйн тусламж хариуцсан арга зүйч
• 2019-2021 онд  Арьс хөнгөвчлөх эмчилгээ, Хүүхдийн тасгийн Ахлах сувилагч
• 2021оны 6 сараас Сувилахуйн албаны даргаар ажиллаж байна.

Албаны орон тооны бүрэлдэхүүн:

• Ц.Баянхишиг- сувилахуйн арга зүйч, Ахлах зэрэгтэй, сувилахуйн бакалавр

Үйл ажиллагаа:

•  Эмнэлгийн хөгжлийн стратеги, бодлогод уялдуулан албаны хөгжлийн чиг хандлагыг тодорхойлох, төлөвлөх, хэрэгжүүлэх
• Сувилахуйн тусламж, үйлчилгээний үйл ажиллагаа, чанарын хөгжлийн төлөвлөгөө, хөтөлбөрийг боловсруулж хэрэгжүүлэх
• Байгууллагын хэмжээнд сувилахуйн тусламж, үйлчилгээний стандартын хэрэгжилтийг хангах, хянах, заавар зөвлөгөө өгөх
• Сувилахуйн тусламж, үйлчилгээний чанар, аюулгүй байдал, халдвар хамгааллын дэглэм, хөдөлмөрийн аюулгүй ажиллагааны горимын хэрэгжилтэд хяналт тавих
• Чанарыг тасралтгүй дээшлүүлэх талаар санал, зөвлөмж боловсруулах
• Сувилагч тусгай мэргэжилтний мэргэжлийн ур чадварыг дээшлүүлэх зэрэг болно